7 декабря 2011

Прававая ініцыятыва

Работнікі аддзялення сацыяльнай адаптацыі і рэабілітацыі Тэрытарыяльнага цэнтра сацыяльнага абслугоўвання насельніцтва актыўна працуюць са шматдзетнымі, няпоўнымі і іншымі катэгорыямі сем’яў, аказваючы дапамогу ў стварэнні сямейнага мікраклімату. Не так даўно на базе Тэрытарыяльнага цэнтра адбыўся семінар-трэнінг па праблемах прадухілення насілля ў сям’і, арганізаваны рэспубліканскім грамадскім аб’яднаннем “Прававая ініцыятыва”.

Перад работнікамі цэнтра са змястоўнымі лекцыямі выступілі госці з Мінска - кандыдаты псіхалагічных навук Надзея Цыркун, Наталля Маскалёва і іншыя. Увазе прысутных былі прапанаваны такія актуальныя тэмы, як “Насілле і віктыўнасць у сферы сямейна-бытавых адносін”, “Асноўныя праяўленні насілля ў сям’і і работа з імі”, “Медыка-псіхалагічная рэабілітацыя стрэсавага стану” і г.д.
Кожнае з пытанняў, якое ўзнікла ва ўдзельнікаў семінара, было дэталёва абмеркавана.