16 апреля 2014

Прэзентацыя кнігі

У раённым Доме культуры рэгулярна праходзяць сустрэчы ўдзельнікаў народнага літаратурна-музычнага клуба “Выток”. Кіруе творчай суполкай, каардынуе яе дзейнасць Вольга Казакова.

У раённым Доме культуры рэгулярна праходзяць сустрэчы ўдзельнікаў народнага літаратурна-музычнага клуба “Выток”. Кіруе творчай суполкай, каардынуе яе дзейнасць Вольга Казакова. На гэты раз прыйшлі пагутарыць аб жыцці-быцці, абмяняцца творчымі здабыткамі, пазнаёміць сяброў-аднадумцаў са сваімі вершамі, іншымі літаратурнымі творамі Святлана Якубоўская, Сташка Грыніч, Мікалай Яршоў, Уладзімір Кажан, некаторыя іншыя мясцовыя таленты. У разняволенай, нефармальнай абстаноўцы за звычайным кубачкам гарбаты, няспешна ласуючыся разнастайнымі харчовымі прысмакамі, прынесенымі з сабой, творчыя асобы ўважліва выслухалі меркаванні кожнага з прысутных мясцовых паэтаў і празаікаў па розных тэмах, якія іх хвалююць. У ходзе сустрэчы з цікавасцю была ўспрынята прэзентацыя новай кнігі Мікалая Яршова “Агонь і попел”.