15 ноября 2011

Прызёры першынства

У Мінску адбыліся спаборніцтвы адкрытага першынства клуба “Спарта” па таэквандо. У комплексе фармальных практыкаванняў “Туль” сярод дзяўчынак 6-10 гадоў трэцяе месца заваявала вучаніца СШ №3 Лепеля Ксенія Галуза, а ва ўзроставай групе 11-17 гадоў трэці радок у турнірнай табліцы заняла Анастасія Тухта, якая вучыцца ў СШ №1 нашага горада.

У “Спарынгу” сярод хлопчыкаў 8-9 гадоў дастойна выступіў у вагавай катэгорыі да 38 кілаграмаў Сяргей Крывіцкі з СШ №1, які ўзняўся на другую прыступку п’едэстала гонару. У гэтай жа ўзроставай групе ў вагавай катэгорыі да 31 кілаграма сярод дзяўчынак стала другой у спартыўнай табелі аб рангах наша Ксенія Галуза, а яе сяброўка Анастасія Тухта паказала другі вынік сярод равесніц 11-13 гадоў ў вагавай катэгорыі да 35 кілаграмаў.