16 сентября 2013

Пульс

Рэйтынг папулярнасці

Жыхарамі горада і раёна, прадпрыемствамі і ўстановамі аформлена падпіска на 1600 найменняў газет і часопісаў, а улічваючы тыя перыядычныя выданні, якія раней ужо былі выпісаны адразу на паўгода, іх колькасць у цэлым складае сем тысяч экземпляраў. Па-ранейшаму найбольшай папулярнасцю карыстаецца раённая газета “Лепельскі край”.  

Водазабеспячэнне
 
Цэнтральныя лініі водаправода фінансуюцца з дзяржаўнага бюджэта і толькі падводы, падключэнні да дамоў і кватэр – за кошт іх уласнікаў. На выкананне гэтых работ распрацоўвае праектна-каштарысную дакументацыю камунальнае ўнітарнае прадпрыемства “Праектна-архітэктурнае бюро горада Лепеля і раёна”. Зроблены праекты на водазабеспячэнне вуліц  Дэпаўская, Першамайская, Чапаева, Сянная, Залінейная і іншыя.

У стадыі праектавання
 
Рыхтуюцца праекты для мадэрнізацыі цялятніка пад даільную залу на малочна-таварнай ферме аграгарадка Горкі і па рэканструкцыі падобнай фермы ў аграгарадку Слабада, дзе буйную рагатую жывёлу мяркуецца перавесці на бяспрывязнае ўтрыманне.

М.АЗЁРНЫ.