11 ліпеня, Лепель /Уласн.інф./. Згодна з народным павер’ем, жыццё маладых, якія зарэгістравалі шлюб у чэрвені, будзе салодкай. Маладым будуць спадарожнічаць паразуменне, павага і гармонія сямейных адносін. Як нам паведамілі ў аддзеле ЗАГС, з шасці месяцаў бягучага года чэрвень выдаўся самым багатым на вяселлі. У аддзеле ЗАГС зарэгістравалі шлюб 16 пар. Усяго ж на працягу паўгода ўступіла ў шлюб 51 пара. Нямала вяселляў адбудзецца ў ліпені і жніўні. У ліпені плануюць уступіць у шлюб 18 пар, а ў жніўні – 31.