9 июля 2012

Сельскі аграэкатурызм

У Слабадскім сельсавеце ўдзяляецца значная ўвага і развіццю сельскага аграэкатурызму. У вёсцы Аношкі функцыянуе аграсядзіба з аднайменнай назвай. Па тэрыторыі сельсавета праз вёскі Велеўшчына, Слабада, Аношкі і Сталюгі праходзіць адзін з першых агратурыстычных зялёных маршрутаў Беларусі “Край жоўтых гарлачыкаў і сівых валуноў”. Гэты маршрут увайшоў у сетку Еўрапейскіх зялёных маршрутаў. Інфармацыя аб ім захоўваецца на сайтах міжнароднай турыстычнай арганізацыі “ЕСЕАТ” у 22 краінах свету, а звесткі аб маршруце занесены ў турыстычную энцыклапедыю Беларусі.

 Працягласць маршрута складае 155 кіламетраў. Маршрут мае рэгіянальную гісторыка-культурную накіраванасць і, у першую чаргу, адрасаваны аматарам традыцыйнай этнаграфіі і фальклору, а таксама прызначаны для актыўнага адпачынку і перамяшчэння на веласіпедах паміж кропкамі прызначэння, з лакальнымі пешымі экалагічнымі тропамі. Турысты маюць магчымасць стаць удзельнікамі экспедыцыі на лодцы.

 Турысты, якія падарожнічалі па зялёнаму маршруту “Край жоўтых гарлачыкаў і сівых валуноў”, маюць магчымасць прыняць удзел у цудоўным забаўляльным мерапрыемстве –- каляднай гульні “Жаніцьба Цярэшкі”. Правядзенне гэтага абраду на тэрыторыі сельсавета стала добрай традыцыяй.

 У час выязнога пасяджэння прэзідыума раённага Савета дэпутатаў былі разгледжаны і іншыя актуальныя пытанні, па кожнаму з якіх прыняты адпаведныя рашэнні.

Святлана СІЛЬВАНОВІЧ