8 ноября 2013

Слабадскі сельсавет

У Слабадскім сельсавеце існуе традыцыя - пры правядзенні святаў вёсак і вуліц у буйных населеных пунктах вызначаюцца лепшыя вясковыя падворкі з прысваеннем ганаровага звання “Дом узорнага парадку” і прымацаваннем на фасад сядзібы адпаведнай шыльды. Напрыклад, у аграгарадку Слабада так адзначаны аднакватэрны жылы дом, гаспадыняй якога з’яўляецца Зінаіда Максімаўна Крыцкая, а таксама жылая пабудова сядзібнага тыпу, якая належыць Таццяне Васільеўне Карбоўскай.

Шмат доўгажыхароў налічваецца ў Слабадскім сельсавеце. Адна з іх – Надзея Міхееўна Шамшур з вёскі Свядзіца, якой 27 верасня споўнілася 99 гадоў. Старажыл доўгі час працавала настаўніцай, сеяла разумнае, добрае і вечнае. Цяпер яна жыве ў сына ў Лепелі.

М. Гарбачоў.