23 ноября 2012

Сустрэча з пісьменнікамі

23 ноября, Лепель /Соб.инф./. У восеньскія дні у сярэднюю школу №1 г.Лепеля завіталі беларускія пісьменнікі Анатоль Зэкаў, Валерый Скакун і намеснік галоўнага рэдактара часопіса “Бібліятэка прапануе” Людміла Несцяровіч. У тым, што Анатоль Зэкаў можа заваражыць аўдыторыю, пераканаліся вучні і настаўнікі школы.

23 ноября, Лепель /Соб.инф./. У восеньскія дні у сярэднюю школу №1 г.Лепеля завіталі беларускія пісьменнікі Анатоль Зэкаў, Валерый Скакун і намеснік галоўнага рэдактара часопіса “Бібліятэка прапануе” Людміла Несцяровіч. У тым, што Анатоль Зэкаў можа заваражыць аўдыторыю, пераканаліся вучні і настаўнікі школы. Ён расказваў казкі і чытаў вершы, прапаноўваў вымавіць скарагаворкі і адгадаць загадкі. За правільныя адказы пісьменнік уручаў падарункі ад часопіса “Вясёлка”, у якім працуе. Анатоль прачытаў вершы пра каханне, гумарыстычныя творы, пародыі на беларускіх паэтаў.

 Са сваёй песеннай творчасцю пазнаёміў ураджэнец Лепельшчыны, пісьменнік і спявак Валерый Скакун. На ўспамін аб сустрэчы школьная бібліятэка атрымала ў падарунак кнігі “Каханне на снезе” Анатоля Зэкава і “Набытак” Валерыя Скакуна з аўтографамі аўтараў. Намеснік галоўнага рэдактара часопіса “Бібліятэка прапануе” Людміла Васільеўна Несцяровіч прэзентавала бібліятэцы дзве кнігі: “Анталогія фантастычнай навэлы” і некалькі нумароў часопіса “Бібліятэка прапануе”.

Герман ПЛІГАЎКА,
юнкар сярэдняй школы № 1.