25 сентября 2025

Тэхналогія аплятання бяростай ганчарнага посуду ў Віцебскай вобласці

Адным з найстаражытных і пашыраных рамёстваў з’яўляецца ганчарства. Сярод разнастайных ганчарных вырабаў, сваім каларытным аздабленнем вылучаецца посуд, абгорнуты берасцянымі стужкамі.

Вядома, аплятанне берасцянымі стужкамі рабілася з чыста практычнымі мэтамі – для павышэння трываласці вырабленых гліняных пасудзін або прадаўжэння іх бытавога выкарыстання ў выніку пашкоджанасці; пэўна, значэнне мела і павышэнне цеплаёмістасці.

На сённяшні дзень на Віцебшчыне знайшлі, зацікавіліся і пачалі працаваць над тэхналогіяй аплятання берастой ганчарнага посуду майстры з сямі раёнаў вобласці – Браслаўскага, Гарадоцкага, Глыбоцкага, Лепельскага, Міёрскага, Сенненскага і Шаркаўшчынскага.