Пажылыя людзі, што наведваюць аддзяленне тэрытарыяльнага Цэнтра сацыяльнага абслугоўвання насельніцтва, аддалі належнае светламу святу Хрыстовага Уваскрэшання, наладзіўшы велікодныя сустрэчы. За чашкаю чаю і салодкімі пачастункамі, пры музычным суправаджэнні кіраўніка музычна-тэатральнага гуртка кампазітара Аляксандра Балотніка спявалі народныя песні, расказвалі цікавыя гісторыі, жартавалі, танцавалі. Хораша жыць людзям, якія ўмеюць цікава і весела адпачываць.