МУС з 27 мая па 5 чэрвеня праводзіць прафілактычную акцыю "Дэкада кібербяспекі"
Падчас Дэкады плануецца ажыццявіць комплекс інфармацыйна-прафілактычных мерапрыемстваў і выступленняў у сродках масавай інфармацыі, накіраваных на павышэнне дасведчанасці насельніцтва аб праблеме кіберзлачыннасці і спосабах абароны ад ашуканскіх дзеянняў. Асаблівая ўвага будзе ўдзелена ўразлівым катэгорыям грамадзян (непаўналетнія, асобы пажылога ўзросту, грамадзяне, якія жывуць у сельскай мясцовасці).
Асобная ўвага будзе нададзена правілам ажыццяўлення анлайн-плацяжоў і зносін у сетцы. Праваахоўнікі нагадаюць аб тым, што продаж рэквізітаў банкаўскіх карт незаконны, а прадстаўнікі дзяржаўных арганізацый, праваахоўных органаў, банкаў і сотавых аператараў ніколі не тэлефануюць праз месэнджары. Таксама міліцыянеры растлумачаць, што асабістыя назапашванні, якія захоўваюцца дома, па агульным правіле не падлягаюць дэклараванню, тым больш пры пасрэдніцтве кур'ераў.
*Прафілактычная інфармацыя даступная для запампоўкі па спасылцы: https://disk.yandex.by/d/F03-laudj7830g.