Паважаныя лепельчане!

Дзяржаўныя герб, сцяг і гімн - галоўныя сімвалы суверэннай дзяржавы. Гэтыя нацыянальныя арыенціры ўвасабляюць незалежнасць і сілу нашай Айчыны. Сцвярджаюць вернасць і адданасць традыцыям, умацоўваюць сувязь эпох і пераемнасць пакаленняў.

Дзяржаўныя знакі - гэта прадмет гонару, шанавання і пакланення. Нашы дзяржаўныя герб і сцяг стваралі людзі, адухоўленыя высокімі ідэямі, якія добра ўсведамляюць каштоўнасць незалежнасці і чыстага мірнага неба. Іх мары аб светлай будучыні для свайго народа мы і сёння бачым у промнях узыходзячага сонца, апраўленага мірным хлебам на малюнку нашага герба. Аб подзвігах, здзейсненых у гады Вялікай Айчыннай вайны, нагадвае нам палатно Дзяржаўнага сцяга - пераемніка Сцяга Перамогі. Нацыянальны арнамент захоўвае нашы старажытныя культурныя традыцыі. Усё гэта непахісныя выявы, якія ляжаць у аснове сучаснай сімволікі Беларусі, сталі сапраўднымі абярэгамі роднай зямлі.

Сапраўдны патрыятызм праяўляецца не ў словах і лозунгах, а ў жыццёвай пазіцыі чалавека, яго паўсядзённых справах на карысць роднай краіны. Памятайце, што сёння дзяржаўная сімволіка ўвасабляе незалежнасць і дзяржаўны суверэнітэт Беларусі, аб'ядноўвае ўсіх нас у імкненні зберагчы жыццёвы ўклад, спрадвечныя традыцыі і гераічнае мінулае. Любоў да роднай зямлі беражлівыя адносіны да традыцый, гістарычнай памяці з'яўляюцца залогам не толькі захавання нацыі, але і ўзмацнення ролі нашай Беларусі на сусветнай арэне.

Дарагія лепельчане, хай гэты дзень надасць вам сілы і ўпэўненасці ў дасягненні пастаўленых мэт. А ў жыцці з кожным годам будзе усё больш і больш падстаў для гонару за свой рэгіён, за сваю Айчыну. Са святам! З Днём Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь!