Сёння пачне працу першая сесія Палаты прадстаўнікоў Нацыянальнага сходу Рэспублікі Беларусь восьмага склікання. Сярод дэпутатаў новага складу — наш зямляк Віктар Азаронак. У адзіны дзень галасавання народ абраў Віктара Уладзіміравіча дэпутатам Палаты прадстаўнікоў па Лепельскай выбарчай акрузе № 23.

8 гадоў зараз ужо дэпутат рэспубліканскага ўзроўню займаў пасаду намесніка старшыні райвыканкама. За гэтыя гады пад куратарствам Віктара Уладзіміравіча былі паспяхова рэалізаваны дзесяткі маштабных праектаў, адкрыты і мадэрнізаваны сацыяльныя аб'екты, укаранёны граматныя і дзейсныя падыходы да арганізацыі работы па ўсіх напрамках сацыяльнай сферы.

У вялікім інтэрв'ю з дэпутатам Палаты прадстаўнікоў — яркі працоўны вопыт у складзе каманды актыву нашага рэгіёна, а таксама працоўны курс земляка ў новым статусе.

- Віктар Уладзіміравіч, сфера, у якую на працягу некалькіх гадоў вы па абавязку службы і збольшага з прычыны сваіх асабістых якасцяў аддавалі шмат часу, сіл і думак, па праве прызнана адной з самых складаных і рознабаковых. Раскажыце, якім быў для вас гэты досвед? 

— Вядомы выраз «Адзін у полi не воін», думаю, лепш за ўсё апіша гэты адрэзак майго працоўнага шляху. Якую б пасаду ні займаў чалавек, самае галоўнае - каманда, у якой ён працуе. І мне ў гэтым пытанні вельмі пашанцавала. Пашчасціла працаваць з, сапраўды, таленавітымі, не пабаюся сказаць, выдатнымі і сумленнымі людзьмі.

Кіраўнік нашага раёна Міхаіл Кісялевіч, лідэр дэпутацкага корпуса Ігар Урбан, мае калегі з райвыканкама - намеснік старшыні Аксана Церашкова, кіраўнік спраў Васіль Палонскі, начальнік аддзела арганізацыйна-кадравай работы Алена Лейка, старшыні сельскіх выканаўчых камітэтаў, а таксама кіраўнікі ўстаноў сацыяльнай сферы - вось тыя людзі, вялікі ўклад якіх стаў падмуркам паспяховай работы падведамнага мне кірунку. 

— Сацыяльная сфера складаецца з адразу некалькі вектараў дзейнасці: і адукацыя, і ахова здароўя, і культуру, і спорт, і сацыяльная абарона. Напрамкі кардынальна розныя, але ў той жа час ёсць у іх нешта агульнае і, напэўна, галоўнае? 

— Так, гэта так. Усе гэтыя напрамкі аб'ядноўвае адно - цэнтральнай фігурай у вырашэнні ўсіх пытанняў з'яўляецца чалавек. Прычым, чалавек на ўсіх этапах яго жыцця - з моманту нараджэння і да самага сыходу. Вось тут якраз і праяўляецца наша работа. З'яўленне маляняці на свет і яго наступнае фізічнае развіццё - клопат аховы здароўя, сацыялізацыя дзіцяці, выхаванне, навучанне, раскрыццё талентаў - клопат сістэмы адукацыі, поспехі дзіцяці ў спорце і творчасці - клопат таксама сацыяльнай сферы.

Да 17-18 гадоў мы ўжо пачынаем працаваць з дарослым чалавекам - дапамагаем выбраць прафесію, ствараем умовы для працаўладкавання, а таксама стварэння сваёй сям'і. Забяспечыць гэтаму чалавеку камфорт, абарону і клопат становіцца нашай мэтай і тады, калі ён пераходзіць да этапу сталасці і мудрасці. Відавочна, сацыяльная сфера - сінонім чалавечага развіцця і станаўленні. 

— Гаворачы аб усіх вышэйпералічаных кірунках работы вашай каманды, хацелася б зрабіць акцэнт на асобных. Дзе, на вашую думку, за гэтыя гады быў зроблены свайго роду прарыў?

Адукацыя

— Пачну, мабыць, з сістэмы адукацыі. Апошнія некалькі гадоў наш раён займае 1 месца ў вобласці па выніках здачы цэнтралізаванага тэсціравання, а цяпер - іспыту. Не думаю, што гэта супадзеньне. Гэта вынік сістэмнай і мэтанакіраванай работы, які пацвярджаецца высокім узроўнем ведаў нашых навучэнцаў, а таксама камфортнымі ўмовамі, у якіх яны навучаюцца і выхоўваюцца.

Адкрыццё і рамонт дамоў сямейнага тыпу, маштабныя рамонты Заслонаўскай і Бароўскай сярэдніх школ, мадэрнізацыя дзіцячых дашкольных устаноў і ўстаноў дадатковай адукацыі, узвядзенне аб'ектаў, адкрыццё сучасных футбольных пляцовак, замена навучальнага абсталявання, удзел у інавацыйных праектах і праграмах па развіцці - за гэтым усім стаіць упэўненая каманда, нацэленая на вынік. Асаблівых слоў падзякі заслугоўваюць намеснік начальніка аддзела па адукацыі райвыканкама Аксана Лясун, а таксама кіраўнікі ўсіх устаноў адукацыі нашага раёна. 

Ахова здароўя

Вялікі прарыў у рабоце зроблены і ў сістэме аховы здароўя. Для паляпшэння якасці аказваемых медыцынскіх паслуг мы правялі маштабныя рамонты ФАПаў і АУАПаў, аддзяленняў і кабінетаў цэнтральнай раённай бальніцы, закупілі сур'ёзнае медыцынскае абсталяванне. З апошніх набыццяў - мамаскан для скрынінгавай дыягностыкі малочнай залозы. Я шчыра ўдзячны Аляксею Пракоф'еву, Юрыю Матусевічу, Аксане Клавовіч, Кацярыне Шабунько і іншым членам каманды за дзейснае супрацоўніцтва і прафесіяналізм.

Сацыяльная абарона

Поспехі Лепельскага раёна ў галіне працы з асобамі з абмежаванымі магчымасцямі - гэта той кірунак, які не патрабуе ніякіх доказаў паспяховасці. Усё відавочна. Наш досвед працы з людзьмі з абмежаванымі магчымасцямі пераймаюць нават у Мiнску, а значыць мы на верным шляху. Адкрыццё аддзялення сацыяльнай рэабілітацыі, абілітацыі інвалідаў ТЦСАНа, работа працоўных майстэрняў, стварэнне безбар'ернага асяроддзя - шмат было зроблена за апошнія гады. За што справядліва магу падзякаваць як сваім калегам-землякам, так і нашым замежным партнёрам.

Адзначу, па выніках работы за 2023 год Лепельскі раён заняў 2-е месца ў вобласці сярод тэрытарыяльных цэнтраў сацыяльнага абслугоўвання насельніцтва. За гэта асобныя словы ўдзячнасці калегам Марыне Іназемцавай, Зінаідзе Сімако і Валянціне Генералавай.

Клопат аб дзяцінстве

Рабіць усё, каб нашы дзеці жылі ў бяспецы, цяпле, любовi, дастатку і клопаце, таксама стала адным з прыярытэтных напрамкаў нашай каманды. Работы па рэалізацыі Дэкрэта № 18 - карпатлівы, кропкавы, складаны і часта энергазатратны працэс. На коне - жыццё і дабрабыт дзяцей, а значыць не вырашыць гэтыя праблемы мы проста не маем права.
У такім ключы на працягу доўгіх гадоў мы працавалі з маімі калегамі Таццянай Часнаковай, Наталляй Бахаровай і прадстаўнікамі сацыяльных служб. Упэўнены, наш вопыт будзе працягнуты і прымножаны. 

Культура

Гэтая старонка жыцця Лепельскага раёна зайграла зусім іншымі фарбамі, бо і ў гэтай сферы адбыліся вялікія змены. Раённы краязнаўчы музей пераехаў у новы шыкоўны будынак. Пры падтрымцы кіраўніка раёна зараз вядзецца работа па рамонце былога будынка музея пад Лепельскі Цэнтр рамёстваў. Адзначу, гэты аб'ект мае сваю гістарычную ўнікальнасць, бо ў свой час тут размяшчалася адміністрацыя вядомай Бярэзінскай воднай сістэмы. Цяпер аб'ект перажывае сур'ёзныя рамонтныя работы — наладжваецца водазабеспячэнне і водаадвядзенне, ацяпленне. Дадам, сур'ёзны скок у развіцці культурнай галіны — заслуга таленавітых прадстаўнікоў сферы і ў прыватнасці - Веранікі Хомбак, Алены Барадзейкі і Аліны Стэльмах.

Наша памяць

Бясцэнная работа, якая накіравана нашай камандай на ўвекавечванне памяці гераічнага подзвігу савецкага народа ў гады Вялікай Айчыннай вайны. Сур'ёзная работа сельсаветамі, працоўнымі калектывамі і многімі неабыякавымі землякамі вядзецца па прывядзенні ў парадак памятных месцаў і знакаў, размешчаных на Лепельшчыне. Мы добраўпарадкавалі такія знакавыя месцы, як абеліск у ваенкамата, на прывакзальнай плошчы, магілы чырвонаармейцаў на тэрыторыі былога ваеннага шпіталя, брацкія магілы ў скверы на плошчы Лепеля. 

Наступная мэта — добраўпарадкаванне помніка ў в. Пышна.

Духоўнасць

Напэўна няма прыемней занятку для душы, чым ўнясенне ўкладу ў аднаўленне святынь. У нашым раёне гэтай добрай справе заслужана надаецца вялікая увага. Адна з самых яркіх і маштабных работ за апошні час - рамонт і добраўпарадкаванне храма Параскевы Пятніцы, якому ў лістападзе 2023 года споўнілася 155 гадоў. Кажучы на гэтую тэму, нельга не падзякаваць благачыннаму цэркваў Лепельскай акругі протаіерэю Сергі. Ляшкевічу.
Дарэчы, хацелася б сказаць: урачыстае мерапрыемства, арганізаванае ў храме ў гонар круглай даты, стала для мяне адным з самых запамінальных і ўражлівых за апошні час.

Сіла пяра 

Сур'ёзны прарыўмы здзейснілі і ў сферы сродкаў масавай інфармацыі. Сёння каманда рэдакцыі раённай газеты "Лепельскі край" - гэта надзейнае плячо для прадстаўнікоў раённай улады, свайго роду праваднік паміж кіруючым актывам раёна і грамадзянамі. Мы якасна і аператыўна закрываем інфармацыйную позву ад раённага да рэспубліканскага ўзроўню, а таксама паспяхова запаўняем медыяпрастору ў інтэрнэце. Давер да раённай прэсы за апошнія гады прыкметна ўзрос, што таксама кажа аб высокім узроўні працы сацыяльнай сферы. 

— Віктар Уладзіміравіч, вядома, пералічыць усе кірункі ў работы вашай каманды няпроста. Думаю, вы пагадзіцеся, што ў спіс яркіх прыкладаў "ПРАРЫВА" можна аднесці і работу грамадскіх арганізацый і аб'яднанняў, і работу ў спартыўнай і турыстычнай галінах, і цеснае ўзаемадзеянне з калегамі з іншых сфер.

Наперадзе ў вас — новыя мэты, новыя праекты, новыя прарывы. Якім жа будзе ваш курс у статусе дэпутата Палаты прадстаўнікоў?

— Мая дэпутацкая дзейнасць будзе накіравана ў першую чаргу на падтрымку дзеючага Кіраўніка нашай дзяржавы Аляксандра Рыгоравіча Лукашэнка, на умацаванне дзяржаўнага суверэнітэту, незалежнасці і стабільнасці Беларусі, на развіццё рэальнага сектара эканомікі, усебаковую падтрымку маладзёжных ініцыятыў, рэалізацыю праграм добраўпарадкавання, клопату аб пажылых і ветэранах, на захаванне гісторыка-культурнай спадчыны роднай Беларусі і інстытута сям'і.

Выказваю падзяку выбаршчыкам Лепельскага, Бешанковіцкага і Чашніцкага раёнаў, якія аддалі свой голас у маю падтрымку. Толькі разам мы зможам зрабіць наша жыццё лепш! Дзякуй, дарагія землякі!