Магчымасцю звярнуцца да кіраўніка міліцэйскага ведамства скарысталіся як жыхары раёна, так і ў іншых рэгіёнах Віцебскай вобласці. Пры гэтым хвалюючыя іх праблемы ахоплівалі розныя сферы.
Напрыклад, жыхар Ушачаў у 2021 годзе быў прыцягнуты да адміністрацыйнай адказнасці за дробнае хуліганства і непадпарадкаванне патрабаванню службовай асобы, якая знаходзілася пры выкананні службовых паўнамоцтваў. Адпаведную пастанову суда грамадзянін не абскардзіў, яна ўступіла ў законную сілу. Аднак мужчыну да гэтага часу турбуе выплачаны ім штраф, а таксама наступствы шэрагу іншых учыненых супрацьпраўных дзеянняў.
Яшчэ адзін з заяўнікоў расказаў, што працаваў на адным з прыватных прадпрыемстваў Лепеля. Пасля звальнення ўжо чатыры гады не можа атрымаць канчатковы разлік. Працадаўца у сувязі з банкруцтвам не ў стане выплаціць запазычанасць па заработнай плаце. Грамадзянін упэўнены: наймальнік стаў банкрутам наўмысна, каб не аплачваць існуючыя даўгавыя абавязацельствы перад былымі работнікамі. Таму папрасіў правесці стараннае разбіральніцтва па яго дзейнасці.
Іван Уладзіміравіч грунтоўна паразмаўляў з усімі грамадзянамі, азнаёміўся з дакументамі, уважліва ўнікаючы ў сутнасць кожнай сітуацыі. Пасля дэталёвага вывучэння ўсіх выкладзеных фактаў заяўнікам будуць дадзены адказы.
@pressmvd