Міжнародны дзень абароны дзяцей, які адзначаецца 1 чэрвеня, служыць важным напамінам аб каштоўнасцях, якія мы, дарослыя, перадаем падрастаючаму пакаленню.
Гэты дзень прысвечаны не толькі святкаванню і весялосці, але і
глыбокаму асэнсаванню нашай ролі ў выхаванні і падтрымцы дзяцей, а таксама абароне
іх правоў і дабрабыту. "Мір, сонца, сяброўства - вось, што дзецям трэба!" - пад
такой назвай у першы дзень чэрвеня і пачатку летніх канікул на плошчы Свабоды
прайшло вялікае мерапрыемства, прысвечанае самаму цёпламу, самаму светламу, напоўненаму ўсмешкамі і весялосцю святу - Міжнароднаму дню абароны дзяцей. Тут
сабраліся юныя жыхары, іх бацькі, бабулі і дзядулі, настаўнікі школ і
выхавальнікі дашкольных устаноў, кіраўнікі прышкольных лагераў і ўсё
жадаючыя.
Прывітаў усіх удзельнікаў святочнага мерапрыемства Анатоль Карпіцкі, начальнік аддзела па адукацыі райвыканкама.
Ён пажадаў дзецям выдатнага адпачынку падчас летніх канікул,
радасці зносін з бацькамі і сябрамі, новых адкрыццяў і яркіх, незабыўных
уражанняў!
Разам з тым нагадаў дарослым аб забеспячэнні бяспекі дзяцей у летні
перыяд.
Юных гасцей свята чакала насычаная праграма: канцэртныя выступленні,
пастаноўкі, гульні, конкурсы, мноства цікавых забаў і актыўнасцей. На
плошчы перад будынкам РДК працавалі дзіцячыя атракцыёны і тут жа праходзіў
конкурс малюнкаў на асфальце. Юныя артысты і ўдзельнікі
конкурсна-забаўляльных праграм атрымалі салодкія прызы і разам з усімі
гасцямі свята мора станоўчых эмоцый.
Супрацоўнікі Лепельскага РАУС АДАІ арганізавалі інтэрактыўныя зоны, майстар-класы, спартыўныя пляцоўкі. Школьнікі і іх бацькі ўдзельнічалі ў віктарынах і квэстах. Прайшлі конкурсы па бяспецы і атрымалі падарункі за прызавыя месцы.
Дзень абароны дзяцей праходзіў ярка, маштабна і самае галоўнае - цікава.
Па традыцыі ў рамках свята праходзіць цырымонія ўзнагароджання пераможцаў конкурсу "Ратавальнікі вачыма дзяцей".
У гэты дзень хочацца пажадаць кожнаму дзіцяці быць здаровым, акружаным любоўю і клопатам бацькоў, няхай заўсёды будзе мірным неба над галавой, а кожны новы дзень напоўнены дабрынёй і добрым настроем. Бацькі, не забывайце, што менавіта вы у адказе за шчаслівае і бяспечнае дзяцінства вашых дзяцей! З Міжнародным днём абароны дзяцей!