Сёння выязное пасяджэнне прайшло ў аграгарадку Камень.
На тэрыторыі Лепельскага раёна
працягвае працаваць пастаянна дзейнiчаючая камісія па каардынацыі дзейнасці
па садзейнічанні занятасці насельніцтва.
Сёння выязное пасяджэнне прайшло ў аграгарадку Камень.
Пагутарыць з тымі, хто па тых ці іншых прычынах не спяшаецца ўносіць свой уклад
у эканоміку краіны, прыбылі дэпутат Палаты прадстаўнікоў Віктар Азаронак,
лідэр дэпутацкага корпуса раёна Ігар Урбан, намеснік старшыні
райвыканкама Аксана Церашкова, прадстаўнікі ўпраўлення па працы, занятасці і
сацыяльнай абароны, РАУС.
На камісію былі запрошаны жыхары Каменскага сельсавета, якія ўхіляюцца ад
працаўладкавання, а некаторыя яшчэ і злоўжываюць алкаголем.
- Зарыентаваць грамадзян, якія па тых ці іншых прычынах афіцыйна не
працуюць, у эканамічнай сітуацыі, якая складваецца ў цэлым у рэспубліцы і ў
прыватнасці ў раёне, а таксама прапанаваць ім прыдатныя вакансіі - частка нашай
працы, - распавёў старшыня камісіі Ігар Урбан. - Другая частка -
выключыць з базы дармаедаў грамадзян, якія прадставілі дакументы,
якія пацвярджаюць іх занятасць.
Наша дзяржава вельмі шмат робіць па сацыяльнай абароне і падтрымцы грамадзян,
але, нажаль, далёка не ўсе гэта шануюць, выбіраючы шлях утрыманства і
дармаедства. На пераадоленне такіх негатыўных з'яў і накіравана работа
камісіі. Адсутнасць афіцыйнага працаўладкавання цягне за сабой цэлую кучу
праблем. Самая відавочная - гэта безграшоўе, якое спалучана нярэдка з
асацыяльным ладам жыцця. А ўдзел у фінансаванні дзяржаўных
расходаў шляхам выплаты падаткаў - абавязак грамадзян, замацаваны ў Канстытуцыі
Рэспублікі Беларусь, - акцэнтаваў увагу Віктар Азаронак.