Пачалася сустрэча на гэты раз з прыемных і ўрачыстых момантаў:

За шматгадовую добрасумленную працу ў органах дзяржаўнага кіравання, актыўны ўдзел у жыцці раёна Ганаровай граматай райвыканкама ўзнагароджана Ларыса Віткоўская, кіраўнік спраў Горскага сельскага выканаўчага камітэта.

За шматгадовую добрасумленную працу ў органах дзяржаўнага кіравання, актыўны ўдзел у грамадскім жыцці раёна Ганаровай граматай райвыканкама кіраўнік раёна ўзнагародзіў Мікалая Сініцына, старшыню Каменскага сельсавета.

За шматгадовую добрасумленную працу і ў сувязі з прафесійным святам – Днём эканаміста – Падзяка старшыні райвыканкама ўручана Наталлі Віннік, намесніку начальніка аддзела эканомікі райвыканкама.

На парадак дня чарговага пасяджэння раённага выканаўчага камітэта было вынесена 2 пытанні:

"Аб рэалізацыі патрабаванняў Дырэктывы Прэзідэнта Рэспублікі Беларусь "Аб мерах па ўмацаванні грамадскай бяспекі і дысцыпліны" і аб стане работы па папярэджанні гібелі ад знешніх прычын". З дакладам выступіла начальнік упраўлення па працы, занятасці і сацыяльнай абароне Лепельскага райвыканкама Марына Іназемцава.

"Аб стане злачыннасці і правапарушэнняў непаўналетніх". Абстаноўку ахарактарызаваў начальнік інспекцыі па справах непаўналетніх Лепельскага РАУС Анатоль Бурмістраў.