Бяспека аб'ектаў будаўніцтва - на асаблівым кантролі ў ратавальнікаў.
У
мэтах кантролю забеспячэння пажарнай бяспекі на аб'ектах будаўніцтва
Лепельскага раёна работнікамі сектара нагляду і прафілактыкі Лепельскага
раённага аддзела па НС сумесна з карэспандэнтам газеты «Лепельскі край»
праведзены мерапрыемствы тэхнічнага характару на асабліва значных будоўлях раёна:
будаўніцтве новага дзіцячага сада і фізкультурна-аздараўленчага цэнтра ў
горадзе Лепелi.
Асаблiвая ўвага была нададзена мабільным (перасоўным) вагончыкам будаўнікоў і
іншым часовым збудаванням на будаўнічых пляцоўках, так званым
вагон-бытоўкам, менавіта яны ў большасці выпадкаў з'яўляюцца аб'ектамі пажараў на
будаўнічых пляцоўках. Згодна з нормамі, адным з патрабаванняў, на якое звярталі ўвагу ратавальнікі, была
эксплуатацыя печаў завадскога вырабу, бо самаробныя печы не
праходзілі выпрабаванні і не з'яўляюцца такімі надзейнымі, як зробленыя на
вытворчасці. Без увагі не засталіся і аўтаномныя пажарныя апавяшчальнікі, задача
якіх апавясціць аб узнікшым пажары і тым самым выратаваць жыццё чалавека.
Вогнетушыцелю, правілам яго прымянення таксама была ўдзелена значная ўвага.
Падчас правядзення мерапрыемстваў у асноўнай частцы грубых парушэнняў выяўлена не
было, аднак і не абышлося без тых аб'ектаў, дзе кіраўнікі і службовыя
асобы будаўнічых арганізацый не з поўнай адказнасцю адносяцца да
забеспячэння пажарнай бяспекі.
Падчас правядзення мерапрыемстваў работнікам падрадных арганізацый даводзілася
інфармацыя аб парушэннях патрабаванняў пажарнай бяспекі, а таксама
неадкладна прымаліся меры рэагавання па ўстараненню ўсіх выяўленых
парушэнняў.
Газета «Лепельскі край»