Паблізу возера Люсінец праходзіць раённы турыстычны злёт. Адкрылі спаборніцтвы аматараў актыўнага адпачынку дэпутат Палаты прадстаўнікоў Нацыянальнага сходу Рэспублікі Беларусь Віктар Азаронак, начальнік аддзела ідэалагічнай работы і па справах моладзі райвыканкама Святлана Шавялёва, прафсаюзны лідэр раёна Юрый Мілы.

У праграме турзлёту - спартыўныя спаборніцтвы. Таксама ўдзельнікі злёту прадэманструюць майстэрства і спрыт у арганізацыі турыстычнага побыту, конкурсе кулінараў, пакажуць нумары мастацкай самадзейнасці і адпачнуць на вясёлай дыскатэцы.

Маляўнічая прырода, песні ля вогнішча пад гітару, духмяная юха і непаўторнае пачуццё турысцкага братэрства - далучайцеся, лета яшчэ наперадзе!