У другім квартале ў аддзяленні сацыяльнай рэабілітацыі, абілітацыі інвалідаў ДУ «ТЦСАН Лепельскага раёна» плануецца адкрыццё 11-й рэабілітацыйна-працоўнай майстэрні па рамонце адзення. Аб гэтым сёння заявілі на чарговым пасяджэнні Міжведамаснага Савета па правах інвалідаў.
- Плануецца закупка і ўстаноўка спецыяльнага абсталявання (аверлака), адкрыццё дадатковай штатнай адзінкі, навучанне інвалідаў з наступным працаўладкаваннем, і, як вынік, - аказанне платных паслуг па рамонце адзення жыхарам Лепельскага раёна, - пракаментавалі ў ТЦСАН.
Няма сумневаў у тым, што новая майстэрня з часам дакажа сваю запатрабаванасць, як гэта здарылася з іншымі вядомымі на ўвесь раён майстэрнямі.
Свежая выпечка, якасная пасцельная бялізна, мыла ручной работы, расада пакаёвых раслін і сезоннай гародніны - гэтыя і іншыя тавары, якія вырабляюцца на базе аддзялення, ужо даказалі сваю канкурэнтаздольнасць і нават унікальнасць.