Сёння прадстаўнікі ўлады, а таксама спецыялісты розных сфер наведалі Стайскую сярэднюю школу.
Галоўнымі спікерамі сустрэчы сталі Вераніка Хомбак, намеснік старшыні райвыканкама, Алена Барадзейка, загадчык сектара культуры, а таксама прадстаўнікі КУВП "Бароўка", РАНС, Лепельскага філіяла аблспажыўтаварыства.
Гутарка прайшла па тэме: "Беларусь – ад вызвалення да незалежнасці (да 80-годдзя вызвалення Беларусі ад нямецка-фашысцкіх захопнікаў. Аперацыя "Баграціён").
Сучаснае пакаленне беларусаў змагло правільна распарадзіцца падараванай ім магчымасцю будаваць сваю дзяржаву, – акцэнтавала ўвагу прысутных Вераніка Аляксандраўна. – За гады незалежнасці ў Рэспубліцы Беларусь склалася ўласная мадэль дзяржавы з моцнай сацыяльнай палітыкай і сацыяльна-арыентаванай эканомікай. Справа гонару сучаснага пакалення шанаваць зробленае нашымі продкамі.