У 1983 у амерыканскім Сан-Францыска невялікая група людзей, асабіста закранутых праблемай, упершыню правяла мерапрыемствы для прыцягнення ўвагі да новай, тады яшчэ малавядомай хваробы. Пасля гэты рух быў падтрыманы ў многіх краінах. Сёння гэты дзень (трэцяя нядзеля мая) гучыць заклікам да грамадства і асобным людзям звярнуць увагу на праблемы, звязаныя з ВІЧ-інфекцыяй і ўнесці ўклад у дасягненне глабальнай мэты, якая складаецца ў тым, каб паслугі па прафілактыцы і лячэнню ВІЧ-інфекцыі, доглядзе і падтрымцы былі даступныя ўсім, хто у іх мае патрэбу. Дзень памяці мае доўгую гісторыю, напоўненую перажываннямі, стратамі і, несумненна, надзеяй на тое, што чалавецтва абавязкова пераможа гэту хваробу.
Шмат гадоў таму дыягназ "ВІЧ-інфекцыя" гучаў прысудам: чалавецтва сутыкнулася з новым захворваннем, якое хутка навучыліся дыягнаставаць, але эфектыўнага лячэння не было доўга. Сёння дзякуючы дасягненням сучаснай медыцыны людзі, якія жывуць з ВІЧ-станоўчым статусам, маюць магчымасць захаваць якасць жыцця на доўгія гады, як і людзі без ВІЧ-інфекцыі.
З мэтай павышэння ўзроўню інфармаванасці жыхароў раёна па праблеме ВІЧ/СНІД, фарміравання матывацыі да праходжання тэсціравання на ВІЧ і выхавання талерантнага стаўлення да людзей, якія жывуць з ВІЧ/СНІД калектыў раёна электрычных сетак наведалі медыцынскія супрацоўнікі. Спачатку перад прысутнымі выступіла ўрач-эпідэміёлаг райЦГіЭ Наталля Паборцава, якая адзначыла, што спосабаў поўнага вылечвання ВІЧ-інфекцыі не існуе. Аднак па меры пашырэння доступу да эфектыўных сродкаў прафілактыкі, дыягностыкі, лячэння і догляду ў сувязі з ВІЧ і апартуністычнымi інфекцыямі, ВІЧ-інфекцыя перайшла ў катэгорыю кантралюемых хранічных захворванняў, і ВІЧ-інфікаваныя могуць пражыць доўгае і здаровае жыццё. Ранняе выяўленне ВІЧ-інфекцыі павялічыць шанцы на паспяховае лячэнне, дапаможа захаваць здароўе і добрае самаадчуванне. Для правядзення самастойнага экспрэс-тэставання можна выкарыстоўваць экспрэс-тэсты па сліне, наборы для яго правядзення "Мульты Тэст" з'явіліся ў продажы ў сетцы аптэк.
Прайсці абследаванне на вызначэнне ВІЧ-інфекцыі можна ў любой медыцынскай установе, у тым ліку ва УАЗ "Лепельская ЦРБ". Для гэтага трэба здаць на аналіз кроў з вены. Зрабіць гэта можна ананімна, гэта значыць на называючы сваё прозвішча, імя і хатні адрас. Вынік аналізу можна даведацца па тэлефоне, паведаміўшы нумар рэгістрацыі, які назавуць табе падчас абследавання.
Таксама майстар-клас па правядзенні саматэставання паказала загадчыца тэрапеўтычным аддзяленнем паліклінікі Лепельскай ЦРБ Таццяна Сільвановіч. У рамках акцыі ўсім прысутным было прапанавана бясплатна атрымаць мульты-тэст, чым яны і скарысталіся. Па стане на 1 красавіка ў Лепельскім раёне за ўвесь перыяд назірання з 2001 года зарэгістравана 37 выпадкаў ВІЧ-інфекцыі, жыве з ВІЧ - 24 чалавекі. За 3 месяцы 2024 года зарэгістраваны 1 выпадак. За той жа перыяд 2023 года выпадкаў ВІЧ-інфекцыі не зарэгістравана. Сярод усіх зарэгістраваных выпадкаў пераважае палавы шлях перадачы. Для ўдасканалення сістэмы лабараторнай дыягностыкі ВІЧ-інфекцыі арганізацыі аховы здароўя забяспечаны экспрэс-тэстамі па крыві. За 2023 год у Лепельскім раёне праведзена 3698 даследаванняў на наяўнасць антыцелаў да ВІЧ грамадзян Рэспублікі Беларусь метадам ІФА.
Наталля Храпавіцкая. Газета "Лепельскі край"