Галоўная / Навіны / Навіны рэспублікі

Беларусь і Кітай абмеркавалі пастаўкі льняных і баваўняных палотнаў беларускай вытворчасці

14.06.2021

Беларусь і Кітай абмеркавалі пастаўкі льняных і баваўняных палотнаў беларускай вытворчасці. Аб гэтым ішла размова падчас анлайн-перагавораў беларускіх і кітайскіх прадпрыемстваў, паведамляе БЕЛТА са спасылкай на сайт Гродзенскага аддзялення БелГПП.

З беларускага боку ўдзел у мерапрыемстве прынялі кіраўнікі ААТ "8 Сакавіка", з кітайскага - прадстаўнікі інвестыцыйнай кампаніі Zhong Di Investment Management Co. Ltd. "У ходзе перагавораў удзельнікі абмеркавалі магчымасці экспарту льняных і баваўняных палотнаў беларускай вытворчасці ў Кітай, а таксама кітайскага імпарту сыравіны для вытворчасці баваўняных тканін. Акрамя таго, бакі абмеркавалі арганізацыю сумеснай вытворчасці", - гаворыцца ў паведамленні.

Арганізатарам B2B-перагавораў у анлайн-фармаце з удзелам дзелавых колаў Беларусі і Кітая выступіла Гродзенскае аддзяленне БелГПП сумесна з Рэспубліканскай канфедэрацыяй прадпрымальнікаў у Кітаі.

БелТА