Беларусь будзе прапрацоўваць пытанні паставак малочнай прадукцыі ў Судан, паведамілі БЕЛТА ў прэс-службе Мінсельгасхарча.

Міністр сельскай гаспадаркі і харчавання Ігар Брыло правёў рабочую сустрэчу з Надзвычайным і Паўнамоцным Паслом Судана ў Беларусі Махамедам Амерам Мусой Алі. На сустрэчы абмяркоўвалася актывізацыя работы ў рамках рэалізацыі мемарандума аб узаемаразуменні паміж краінамі ў галіне сельскай гаспадаркі, падпісанага ў 2016 годзе ведамствамі. Бакі дамовіліся аб фарміраванні беларускай групы для візіту ў Судан у мэтах прапрацоўкі пытанняў паставак беларускай малочнай прадукцыі і імпарту тавараў з Судана.

Асноўныя культуры Судана прадстаўлены цукровым трыснягом, сорга, арахісам і просам. Трэба адзначыць спецыялізацыю краіны на вытворчасці і экспарце гуміарабіку (цвёрдая празрыстая смала, якая складаецца з высахлага соку розных відаў акацый; выкарыстоўваецца ў вытворчасці клею, цукерак і фармацэўтычных прэпаратаў). Па экспарце гэтага прадукту краіна з'яўляецца сусветным лідарам. Жывёлагадоўля - таксама адна з важнейшых галін сельскай гаспадаркі Судана.

Беларусь у 2021 годзе экспартавала ў Судан трактары, часці і прылады для аўтамабіляў і трактароў, розныя віды прыбораў і апаратуры.

БелТА