Беларускія прадпрыемствы ў чэрвені прымуць удзел у тэкстыльнай выстаўцы ў Кітаі, паведаміла журналістам старшыня канцэрна "Беллегпрам" Таццяна Лугіна, перадае карэспандэнт БЕЛТА.

"Каля Шанхая 16 чэрвеня будзе праходзіць тэкстыльная выстаўка. Нам бясплатна прадаставілі стэнд на 12 кв.м. Нашы прадпрыемствы плануюць выехаць на гэту тэкстыльную выстаўку і непасрэдна на месцы ўжо дагаворвацца аб нейкіх пастаўках, цэнах", - расказала Таццяна Лугіна.

Паводле яе слоў, такія дамоўленасці былі заключаны ў час афіцыйнага візіту парламенцкай дэлегацыі Беларусі на чале са старшынёй Савета Рэспублікі Наталляй Качанавай у Кітайскую Народную Рэспубліку з 27 па 30 мая. У яе склад таксама ўваходзіла і старшыня канцэрна "Беллегпрам".

"Таксама ў час візіту ў Пекін мы дамовіліся з прадстаўнікамі кампаній Кітая, што яны наведаюць у бягучым годзе нашу краіну і нашы прадпрыемствы. Мы прапанавалі ім гэта зрабіць у першых чыслах кастрычніка, калі ў нас будзе праходзіць свая профільная выстаўка", - удакладніла Таццяна Лугіна.

БелТА