У Беларусі будуць рэгуляваць размяшчэнне айчынных тавараў на паліцах
У Беларусі будуць рэгуляваць размяшчэнне тавараў на паліцах, каб стымуляваць продажы айчыннай прадукцыі. Аб гэтым заявіў журналістам міністр антыманапольнага рэгулявання і гандлю Аляксей Багданаў, перадае карэспандэнт БЕЛТА.
"Доля продажаў беларускіх тавараў павялічваецца. Гэта вынік мэтанакіраванай работы, якую праводзіць урад нашай краіны. Гэту работу мы будзем прадаўжаць. Сёння мы працуем над праектам нарматыўнага прававога акта, які будзе рэгуляваць размяшчэнне тавараў на паліцах, каб айчынная прадукцыя знаходзілася ў зоне доступу, было зручна для вачэй і проста дацягнуцца", - сказаў Аляксей Багданаў.
Акрамя таго, у пастанову ўрада нумар 713 аб сістэме рэгулявання цэн былі ўнесены карэкціроўкі, якія садзейнічаюць стымуляванню продажаў беларускай прадукцыі.
