У Беларусі прадаўжаецца пераарыентацыя ашчаднай актыўнасці насельніцтва на карысць тэрміновых банкаўскіх дэпазітаў у нацыянальнай валюце. Аб гэтым сведчаць апублікаваныя Нацыянальным банкам даныя аб дынаміцы агрэгатаў шырокай грашовай масы, паведамляе БЕЛТА.

За верасень 2023 года прырост сярэдняга аб'ёму тэрміновых рублёвых дэпазітаў фізічных асоб у беларускіх банках склаў Br125,5 млн, або 1,7 працэнта. За год - з кастрычніка 2022 года па верасень 2023-га - іх аб'ём павялічыўся на Br1,4 млрд, або на 22,7 працэнта. Пры гэтым сярэдні аб'ём тэрміновых дэпазітаў насельніцтва ў замежнай валюце ў доларавым эквіваленце за верасень 2023 года знізіўся на $78,6 млн, або на 2,5 працэнта. За год зніжэнне склала $611 млн, або 16,6 працэнта.

У верасні 2023 года сярэдняя шырокая грашовая маса павялічылася ў адносінах да папярэдняга месяца на 3,2 працэнта. Сярэдняя рублёвая грашовая маса вырасла на 3,1 працэнта, у тым ліку сродкі юрыдычных асоб - на 6,6 працэнта пераважна за кошт прыросту тэрміновых дэпазітаў, наяўныя грошы ў абарачэнні - на 1,2 працэнта, сродкі фізічных асоб - на 0,8 працэнта.

У гадавым выражэнні прырост сярэдняй шырокай грашовай масы ў верасні 2023 года склаў 27,7 працэнта, сярэдняй рублёвай грашовай масы - 36,4 працэнта. Доля рублёвага складніка ў сярэдняй шырокай грашовай масе ў верасні 2023 года ўзрасла да 54 працэнтаў з 50,6 працэнта на год раней.

БелТА