Міжнародныя рэзервовыя актывы Беларусі на 1 верасня 2023 года, паводле папярэдніх даных, склалі $7991,2 млн у эквіваленце, паведамляе БЕЛТА са спасылкай на сайт Нацыянальнага банка.

За жнівень золатавалютныя рэзервы выраслі на $17,7 млн (0,2 працэнта) пасля павелічэння ў ліпені на $182 млн (2,3 працэнта).

"Са жніўня 2022 года інфармацыя аб аб'ёме міжнародных рэзервовых актываў публікуецца на афіцыйным сайце Нацыянальнага банка без дэталізацыі іх структуры, а таксама называння фактараў, якія паўплывалі на іх змяненне", - адзначылі ў Нацбанку.

БелТА